2025 гъэм накъыгъэм и 4-м, IутIыжым и ещанэ тхьэмахуэм, Пятигорск, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Налшык къалэм апостол пэлъытэ Магдалинэ Марие и цIэр зезыхьэ соборым.
Щоджэн нэхъыщхьэм къулыкъур драгъэкIуэкIащ Къэбэрдей-Балъкъэрым и члисэхэм соборым и унафэщI, Пятигорск епархием Налшык округым щиIэ благочиннэ щоджэн нэхъыжь Бобылев Валентин. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуащ къалэдэсхэр.
ХъыбарыфIхэр зэрыт тхылъ лъапIэм къыщыхьахэм къеджа нэужь Щихънагъым фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым архиепископ Феофилакт зэгъусэ тхьэлъэIур иригъэкIуэкIащ икIи члисэр игъэлъэпIащ. Махуэшхуэр и кIэм щынэблагъэм сурэт зытрагъэхащ.