2025 гъэм щIышылэм и 25-м, Урысейм и студентхэм я нэIэ тет щихъ Татианэ и махуэм, Пятигорск, Черкесск щIыналъэхэм я архиепископ Феофилакт Пятигорск къалэм и Успенскэ члисэм щIалэгъуалэ тхьэлъэIу литургиер щригъэкIуэкIащ. Пятигорск епархием и ЩIалэгъуалэ къудамэм и щоджэныр Вдовин Владимирщ.
Щоджэн нэхъыщхьэм къулыкъур драгъэкIуэкIащ епархием и благочиниехэм щIалэгъуалэм ядэлэжьэнымкIэ жэуап зыхь щоджэнхэм, Урыс Чристэн Члисэм и Патриаршэ благочинием и екIуэлIапIэу Тыркуменистаным къикIа хьэщIэхэм. Пресвитор къулыкъур иригъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия. Къардэн къулыкъур иригъэкIуэкIащ къардэн нэхъыжь Кубэ Димитрий. Литургием хыхьэу Тхьэ елъэIуащ Горячеводскэ къэзакъ зэгухьэныгъэм и къэзакъхэр, атаманым и къалэныр зыгъэзащIэ подъесаул Згиркэ Сергей. ТхьэлъэIу уэрэдхэр игъэзэщIащ Санкт-Петербург и духовнэ академием и ансамблхэм.
Литургие нэужьым щихъ Татианэ ягъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.
ИужькIэ архиепископ Феофилакт чристэн щIалэгъуалэм яIущIащ. Зэхыхьэм хэтащ Кавказым и Минводы и члисэхэм екIуалIэхэр, Черкесск къалэм щыщхэр. Пастыр нэхъыщхьэр щIэупщIащ щIалэгъуалэм иджырей гъащIэр къазэрыгурыIуэм. ЩIалэгъуалэми щоджэн нэхъыщхьэм упщIэхэр иратащ. Зэхыхьэм хэтахэм сурэт зытрагъэхащ.