КъБР-м хыхьэ Прохладнэ къалэм Крестьянинов А.В. и цIэр зезыхьэ школ № 102-м щекIуэкIащ Покров члисэм и унафэщI щоджэн Калинин Евгений, балигъ мыхъуахэм я IуэхухэмкIэ инспекцэм и лIыкIуэхэр IущIащ еджакIуэхэм. Зэхыхьэр траухуащ афияным ныбжьыщIэхэм я деж зыщемыгъэубгъуным.
Щоджэныр тепсэлъыхьащ фадэм зыщыхъумэным и урысейпсо махуэм икIи ягу къигъэкIыжащ бегъымбар Иоанн УмэхъакIуэм теухуа хъыбарыр, фадэм зэрызыщимыхъумэфам теухуар. Апхуэдэу щоджэным ныбжьыщIэхэм гу лъригъэтащ компьютер джэгухэмрэ гаджетхэмрэ зэрызыIэпашэм.
Полицэм и лIыкIуэхэр къытеувыIащ афияным и зэранкIэ ялэжь щIэпхъэджагъэхэмкIэ жэуаплыныгъэ зэрахьым.
Щоджэнхэмрэ къэралкIуэцIыдзэм и органым и лэжьакIуэхэмрэ еджакIуэхэр къыхураджащ фадэм зыщахъумэну, хабзэхэм емыбэкъуэну.