2024 гъэм щэкIуэгъуэм и 22-м Пятигорск, Черкесск щIыналъэхэм я архиепископ Феофилакт «Минеральные Воды» дунейпсо кхъухьлъэтапIэм и унафэщI Чуев Роман и гъусэу щыIащ «Минеральные Воды» терминалым и ухуэныгъэм.
ТерминалыщIэм и фIыгъэкIэ Кавказым и кхъухьлъэтапIэр Урысей ипщэм щынэхъ ин дыдэ хъунущ. Кавказым щызекIуэ хьэщIагъэ хабзэхэр яхъумэну я мурадщ.
КхъухьлъэтапIэм къыдэкIуэу Тхьэм и Уэхьий Михаил и цIэр зезыхьэ члисэри къагъэщIэрэщIэжыну я мурадщ, Москварэ Урысей псомрэ я Патриарх Кирилл 2012 гъэм иригъэжьар. Архиепископ Феофилакт Роман жриIащ члисэм и росписыр къызэрагъэщIэрэщIэжынур. Члисэм и теплъэри яхъуэжынущ.
Члисэр архитектурнэ ухуэныгъэу къэнэжынущ, ар сыхьэт инкIэ ягъэдэхэнущ икIи щхьэпэ яхуэхъунущ абы щызекIуэ дэтхэнэми. 2025 гъэм мэлыжьыхьым къызэIуахыну я мурадщ терминалыщIэр.
Пастыр нэхъыщхьэр ухуакIуэхэмрэ кхъухьлъэтапIэм и лэжьакIуэхэмрэ ехъуэхъуащ Тхьэр къадэIэпыкъуну.