Черкесск къалэм и СИЗО №1-м кIуащ жылагъуэ кIэлъыплъакIуэ комиссэм хэт Атэбей Марие, Рощупкинэ Еленэ, Черкесск и Никольскэ соборым и щоджэн Гурин Александр.
ОНК-м и лIыкIуэхэм я гъусащ цIыхум и хуитыныгъэр хъумэнымкIэ уголовнэ-гъэзэщIакIуэ IуэхущIапIэм и щIыналъэ органым и унафэщIым и дIээпыкъуэгъу Кимкетов Радикрэ СИЗО-1-м и унафэщIым и къуэдзэ Аргунов Муратрэ.
ОНК-м и лIыкIуэхэм камерэхэр къаплъыхьащ, пщэфIапIэри хыхьэу. УпщIэхэр ятащ, я гъащIэм, зэрыпсэум щIэупщIащ, дэIэпыкъуныгъэ къызэрыратри хыхьэу. Комиссэм хэтахэм тхьэусыхафэ зэхахакъым IуэхущIапIэм щыIэхэм къабгъэдэкIыу.
КърикIуахэм тепсэлъыхьыжащ IуэхущIапIэм и унафэщIым и гъусэу.