2024 гъэм щэк1уэгъуэм и 16-м, Лиддэ, Тхьэм папщ1э бэлыхь куэд зрагъэшэча Георгий ягу къыщагъэк1ыжым, Пятигорск, Черкесск щ1ыналъэхэм я архиепископ Феофилакт тхьэлъэ1у литургие щригъэк1уэк1ащ КъБР-м и Тырныауз къалэм и Георгиевскэ члисэм.
Щоджэн нэхъыщхьэм къулыкъур драгъэк1уэк1ащ Пятигорск епархием Налшык щи1э округым и щоджэнхэм благочиннэ щоджэн нэхъыжь Бобылев Валентинрэ къардэн нэхъыжь Кубэ Димитрийрэ. Епархием и члисэ нэхъ жыжьэхэм ящыщ зыр ягу къагъэк1ыжыну зэхуэсащ къалэдэсхэмрэ щ1ыналъэ лъап1эм Тхьэ щелъэ1уну к1уэхэмрэ.
Литургие нэужьым Щихънагъым игъэлъэп1ащ Тхьэм папщ1э бэлыхь куэд зрагъэшэча Георгий ик1и ф1эщхъуныгъэ зи1эхэм узэщ1ыныгъэк1э захуигъэзащ.