ЕссэнтIыгу къалэм и СГПИ-м и къудамэм щекIуэкIащ «Психология и педагогика семьи в контексте развития современного образования» щIэныгъэ-практикэ конференцэр. Абы хэтахэм фIэхъус ярихащ ЕссэнтIыгу къалэм и Петропавловскэ члисэм и унафэщI щоджэн Гриценкэ Виталий.
Конференцэм и пленарнэ зэхыхьэм унагъуэм и лъапIэныгъэхэм, нэчыхь езыгъэтхахэмрэ абыхэм къащIэхъуа бынхэм я бжыгъэмрэ теухуа докладхэр щащIащ. КъинэмыщIауэ, егъэджакIуэхэм щIэныгъэр ирагъэфIэкIуэнымкIэ къапэщылъ къалэнхэм, унагъуэм ахэр зэрыпыщIам къытеувыIащ.