2024 гъэм щэкIуэгъуэм и 6-м щыщIэдзауэ 8 пщIондэ епархием щекIуэкIащ егъэджакIуэхэм папщIэ мастер-классхэр, ОРКСЭ курсыр Къэбэрдей-Балъкъэр, Къэрэшей-Шэрджэс республикэхэм, Ставрополь крайм я школхэм щезыгъэджхэм. Чристэн щэнхабзэмкIэ пэщIэдзэ классхэм щIэс сабийхэм я лъапIэныгъэхэр зэфIэгъэувэным траухуащ зэхыхьэр. Зэхыхьэхэр щекIуэкIащ Налшык къалэм Щэнхабзэ зыужьыныгъэмкIэ и центрым, Черкесск къалэм ЕгъэджэныгъэмкIэ и центр №11-м, Пятигорск къалэм и Спасскэ кафедральнэ соборым и ЩIалэгъуалэ центрым.
Доклад ищIащ Поликарповэ Татьянэ, ОРКСЭ-мкIэ тетрадхэр зыгъэхьэзырам, Урыс Чристэн Члисэм дин щIэныгъэмрэ катехизацэмкIэ и Синод къудамэм Чристэн щэнхабзэмкIэ и секторым и унафэщIым.
Мастер-классхэр ирагъэкIуэкIащ, еджакIуэхэм зэрадэлэжьэнум, гупыр зэгъусэу лэжьэным и мыхьэнэм, егъэджэныгъэм и Iэмалхэм. ЕтIуанэ Iыхьэр траухуащ «Основы православной культуры в начальной школе» дерсыр «Основы религиозных культур и светской этики» (ОРКСЭ) зэрырагъэджынум.
«Клевер Лаборатория» порталыр псоми гъэщIэгъуэн ящыхъуащ, дэтхэнэ зы егъэджакIуэми пщIэншэу и щIэныгъэм щыхигъахъуэ хъунур икIи абы хыхьэу къэрал мыхьэнэ зиIэ тхылъ къызэрыратыжыр. Телеграмым абы щегъэлажьэ «Методист на связи» каналыр. ЕгъэджакIуэхэм я упщIэхэм абы жэуап щрет.
Семинархэмрэ мастер-классхэмрэ къызэригъэпэщащ Пятигорск епархием дин щIэныгъэмрэ катехизацэмкIэ и къудамэм, округхэм я благочиниехэр хыхьэу.