Налшык къалэм щэнхабзэ зыужьыныгъэмкIэ и центрым курыт еджапIэхэм я егъэджакIуэхэм папщIэ щекIуэкIащ «Формирование ценностных ориентиров и нравственных идеалов у детей младшего школьного возраста через образы православной культуры» мастер-классыр. Ар иригъэкIуэкIащ Урыс Чристэн Члисэм дин щIэныгъэмрэ катехизацэмкIэ и Синод къудамэм чристэн щэнхабзэмкIэ и унафэщI Поликарповэ Татьянэ.
Семинарым и пэ къихуэу фIэхъускIэ захуигъэзащ Пятигорск къалэм Налшык щиIэ округым и благочиннэ щоджэн нэхъыжь Бобылев Валентин, КъБР-м лъэпкъ Iуэхухэмрэ жылагъуэ проектхэмкIэ и министр КIурашын Анзор, КъБР-м егъэджэныгъэмрэ щIэныгъэмкIэ и министерствэм и лIыкIуэ Эдгуловэ Залинэ, Пятигорск епархием дин щIэныгъэмрэ катехизацэмкIэ и къудамэм и унафэщI щоджэн нэхъыжь Фаустов Константин. Семинарым щызэхуэсащ егъэджакIуэ 70-м щIигъу.