Кисловодск къалэм и Никольскэ соборым ЦIыхубэ зэкъуэтыныгъэм и махуэм и концерт щатащ Санкт-Петербург и «Кантабиле» хор ансамблымрэ Чристэн Свято-Никольскэ классическэ гимназием и хорымрэ.
Соборым и унафэщI щоджэн нэхъыжь Знаменский Иоанн артист ныбжьыщIэхэр яригъэцIыхуащ икIи ансамблым и унафэщI Сидельниковэ Валентинэ фIыщIэ хуищIащ махуэшхуэм ирихьэлIэу къыхуащIа тыгъэм папщIэ. Концертыр езыгъэкIуэкIа, гимназием и хорым и унафэщI Синявская Татьянэ ягу къигъэкIыжащ ЦIыхубэ зэкъуэтыныгъэм и тхыдэр.
ХьэщIэхэм жаIащ тхьэлъэIу уэрэдхэр: «Отче наш», «Тебе поем», «Богородице Дево, радуйся», «Слава в вышних Богу», Хэкум теухуа цIыхубэ уэрэдхэр.
Члисэм апхуэдэу урыс щIыпIэ лъапIэхэм теухуа «Земле Русская», «Уж, вы горы мои», «Соловьи», «Аксион эстин» уэрэдхэр игъэзэщIащ гимназием и хорым.
Концерт программэр щиухым ягъэзэщIащ «С чего начинается Родина» уэрэдыр.