Щоджэнхэу Пронь Алексийрэ Тарнакин Андрейрэ щыIащ Железноводск къалэ-зыгъэпсэхупIэм и школ №1-м. ХьэщIэхэр епсэлъащ школ унафэщIым икIи къагъэлъэгъуащ гъэ еджэгъуэщIэм къапэщылъхэр.
Капельница къуажэ школым щыIащ Тхьэм и Анэм и «Утоли мои печали» тхьэнапэм и цIэр зезыхьэ члисэм и унафэщI щоджэн Переверзов Александр. Щоджэныр IущIащ 8 классым щеджэхэм икIи ядригъэкIуэкIащ «Береги честь с молоду» зэхыхьэр. НыбжьыщIэхэм упщIэ куэд ятащ, щоджэным жэуап иритащ.
Железноводск къалэм и школ №3-м и ебгъуанэ классым щеджэхэм я деж кIуащ Железноводск къалэм и Ольгинскэ члисэм и щоджэн Переверзов Роман. Ахэр тепсэлъыхьащ социальнэ сайтхэм, экстремист еплъыкIэхэм, унагъуэхэм я зэхущытыкIэхэм, IэщIагъэ къызэрыхахынум, зызыщахъумэн хуейхэм.
Железноводск къалэм и лицей №2-м и ебгъуанэ классым щIэсхэм щоджэн Абрамов Михаил и гъусэу кIуащ МВД-м и лэжьакIуэхэр. ХьэщIэхэр лицейм и лэжьакIуэхэм яхутепсэлъыхьащ лъагъумыхъуныгъэм къишэ шынагъуэхэм.