Епархием и архитектурно-ухуэныгъэ комиссэр щыIащ Пятигорск епархием и Ипщэ Къэрэшей-Шэрджэс благочинием и члисэхэм. Абы хэтащ епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, округым и благочиннэ щоджэн нэхъыжь Субтельный Евгений, благочиннэм ухуэныгъэмкIэ и дэIэпыкъуэгъу щоджэн Саенкэ Иоанн, епархием и архитектор Чечин Олег, епархием и складым и унафэщI Чечин Сергей. Епархием ухуэныгъэмкIэ и къудамэм и унафэщI, епархием и архитектор Чечин Олег зыхигъэгъуэзащ ухуэныгъэ лэжьыгъэ благочинием и члисэхэм щрагъэкIуэкIым, зыхуеину чэнджэщхэри ятащ. Комиссэр щыIащ Хасаут-Греческэ къуажэм щаухуэ члисэм. Абы и ухуэныгъэр и кIэм зэрынагъэсыр къыхагъэщащ икIи псынщIэу нагъэсыну щогугъ. Кардоникскэ станицэм, Архыз Ищхъэрэм щаухуэ члисэхэми щыIащ комиссэр. Иеромонах Елевферий (Казаков) комиссэм хэтхэр хигъэгъуэзащ зэфIагъэкIа лэжьыгъэхэм, гъэ къакIуэ къапэщылъхэми къытеувыIащ.