2024 гъэм щэкIуэгъуэм и 6-м, Тхьэм и Анэм и «Всех скорбящих Радость» тхьэнапэм и махуэр щагъэлъапIэм, Пятигорск, Черкеск щIыналъэхэм я архиепископ Феофилакт тхьэлъэIу литургие щригъэкIуэкIащ ЕссэнтIыгу члисэ сымаджэщым и Скорбященскэ члисэм.
Щоджэн нэхъыщхьэм къулыкъур драгъэкIуэкIащ Пятигорск епархием ЕссэнтIыгу щиIэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ сымаджэщым и дохутырхэмрэ зи узыншагъэр абы щезыгъэфIакIуэхэмрэ, гуапагъэ зыщIэ шыпхъухэм, епархием и «ДыгъафIэ къалэ» центрым щыIэхэм.
Литургие нэужьым Щихънагъым зэгъусэ тхьэлъэIу иригъэкIуэкIащ, Тхьэм и Анэр игъэлъэпIащ, фIэщхъуныгъэ зиIэхэм узэщIыныгъэкIэ захуигъэзащ.