Пятигорск епархием и архитектурно-ухуэныгъэ комиссэм и лэжьыгъэр къыщапщытащ Ищхъэрэ Къэрэшей-Шэрджэс благочинием и члисэхэм. Абы хэтащ епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, округым и благочиннэ щоджэн нэхъыжь Нартов Александр, епархием и архитектор Чечин Олег, епархием и складым и унафэщI Чечин Сергей. Епархием ухуэныгъэмкIэ и къудамэм и унафэщIымрэ архитекторымрэ ухуэныгъэ лэжьыгъэхэм зыхагъэгъуэзащ, зыхуеину чэнджэщхэр иратащ.
Комиссэр щыIащ Октябрьскэ къуажэм щаухуэ члисэм, пIалъэкIэ лэжььыгъэхэр къыщагъэувыIам. Члисэм и унафэщIым жиIащ ухуэныгъэ материалхэр къызэращэхур, лэжьыгъэхэм зэрыпащэжынур. Комиссэр щыIащ Черкесск къалэм и члисэхэм.
Покров члисэм унафэщIым зыщыхигъэгъуэзащ зэфIагъэкIа лэжьыгъэхэм, етIанэгъэ ялэжьынухэм. Комиссэм гу лъаригъэтащ члисэм и щытыкIэхэм, ныкъусаныгъэхэр зэгъэпэщыжын зэрыхуейм, апхуэдэхэр зи IэщIагъэхэм я телефонхэр яритащ.
Георгиевскэ члисэм и унафэщIым комиссэм хэтхэр хигъэгъуэзащ зэфIагъэкIа лэжьыгъэхэм, унащхьэр, бэрэбаныр зыхуей хуэгъэзэжын зэрыхуейм. Iуэхур егугъуу ящIащ, ауэ иджыри зэрырагъэфIэкIуэнум теухуа чэннджэщхэр къэпщытакIуэхэм ятащ.
Комиссэр щыIащ Усть-Джегуты къалэм и Михайловскэ члисэм. УнафэщIым жраIащ куполыр бэрэбаным фIадзэ зэрыхъунур, нэгъуэщI зэгъэпэщыжын хуей лэжьыгъэхэр.