2024 гъэм жэпуэгъуэм и 24-м Кисловодск къалэм и Чристэн Свято-Сергиевскэ классическэ гимназием и педсовет зэхэтащ. ЗэIущIэм и пэ къихуэу еджапIэм и унафэщI щоджэн нэхъыжь Знаменский Иоанн егъэджакIуэхэм ехъуэхъуащ япэ гъэ еджэгъуэм и Iыхьэр и кIэм зэрынагъэсамкIэ. ЕгъэджакIуэхэм защыхуигъазэм, унафэщIым къыхигъэщащ егъэджакIуэхэм я зэфIэкIхэр икIи къыхуриджащ я щIэныгъэм хагъэхъуэну, щIэблэм я гъэсэныгъэр ирагъэфIэкIуэну.
Егъэджэныгъэ-гъэсэныгъэ лэжьыгъэхэмкIэ унафэщIым и къуэдзэ Некрасовэ Татьянэ блэкIа четвертым зэрехъулIар къипщытащ икIи жиIащ гимназием и гъэсэнхэр урысейпсо олимпиадэм зэрыхэтыр.
Гъэсэныгъэ лэжьыгъэхэмкIэ унафэщIым и къуэдзэ Синявская Татьянэ къытеувыIащ япэ четвертым ирихьэлIэу ирагъэкIуэкIа зэхыхьэхэм, «Актуальные вопросы в сфере профилактики безнадзорности и правонарушений несовершеннолетних в Ставропольском крае» семинарым зэрыхэтам, сабийхэр зыр адрейм щIэнэкIалъэ зэращIым, я гъащIэр къыщызэпаудыж къэмыгъэхъуным, я хьэл-щэнхэр зэрекIакIуэм.
Гимназием и егъэджакIуэ иеромонах Галумов Иоанн Урыс Чристэн Члисэм дин щIэныгъэмрэ катехизацэмкIэ и къудамэм и Синодым и къэпщытэныгъэ лэжьыгъэхэм тепсэлъыхьащ.
2024-2025 гъэ еджэгъуэхэм ОГЭ, ЕГЭ репетицэхэм я графикым щыхэплъащ егъэджакIуэхэм я зэхыхьэм.
Четвертым и иужьрей махуэм, егъэджакIуэхэмрэ еджакIуэхэмрэ тхьэлъэIу литургием хэтащ, Хритсос и щэхухэм зыхагъэгъуэзащ. ТхьэлъэIу нэужьым гимназием и гъэсэнхэу сабий ворчествэмкIэ «Пасхальное яйцо» лъэпкъыбэ зэпеуэм хэтахэр ягъэлъэпIащ.