2024 гъэм жэпуэгъуэм и 7-м, Пятигорск епархием и Георгиевскэ цIыхубз къулъшырыфым и «София» екIуэлIапIэ-пансионыр къызэрызэрагъэпэщрэ илъэсипщI зэрырикъур ягъэлъэпIащ. Георгиевскэ члисэм тхьэлъэIу литургиер щригъэкIуэкIащ Пятигорск, Черкесск щIыналъэхэм я архиепископ Феофилакт. Щоджэн нэхъыщхьэм къулыкъур драгъэкIуэкIащ ЕссэнтIыгу члисэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ. Пастыр нэхъыщхьэм IущIащ екIуэлIапIэм и гъэсэнхэр, къулъшырыфым щыIэ шыпхъухэр, узыншагъэр щрагъэфIакIуэ «Остров» центрым щыIэхэм. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
«София» екIуэлIапIэ-апансионым и юбилейм папщIэ махуэшхуэ концерт къызэрагъэпэщащ, 2014 гъэм щыщIэдзауэ зеиншэхэр щагъасэм. ЩIыпIэ самоуправленэм и лIыкIуэхэр, егъэджакIуэхэр, дохутырхэр, псапащIэхэр, екIуэлIапIэм и ныбжьэгъухэр, щоджэнхэр, къулъшырыфым Тхьэ елъэIуну къакIуэхэр щызэхуэсащ абы. ХьэщIэхэр иригъэблэгъащ архиепископ Феофилакт, Ставрополь крайм цIыхум и хуитыныгъэр хъумэнымкIэ и уполномоченнэ Адаменкэ Светланэ. Абы къыхигъэщащ Урыс Чристэн Члисэр – къэралымрэ жылагъуэмрэ я хуитыныгъэр хъумэнымкIэ Ставрополь крайм мыхьэнэшхуэ зэрыщиIэр.
Пансионым и гъэсэнхэм махуэшхуэ пшыхьыр ягъэдэхащ. Абы щагъэлъэпIащ псапащIэхэмрэ «София» екIуэлIапIэ-пансионым и дэIэпыкъуэгъухэмрэ. Зэхыхьэр щиухым сурэтхэр зытрагъэхащ.