Къэбэрдей-Балъкъэрым и Май щIыналъэм щрагъэжьащ жэпуэгъуэм хабзэ хъуауэ къызэрагъэпэщ гуапагъэ Iуэхур, зи ныбжь хэкIуэтахэм, хуэныкъуэхэм, зи закъуэу къэнахэм, ныкъуэдыкъуэхэм щыдэIэпыкъур. Май къалэм и Михайловскэ члисэм и унафэщI щоджэн нэхъыжь Волошин Димитрий къыщыпсэлъащ администрацэм, жылагъуэ зэгухьэныгъэхэм я лIыкIуэхэр. Щоджэным къыхигъэщащ нэхъыжьхэм уадэIэпыкъуным и мыхьэнэр.
Май щIыналъэм цIыхухэм социальнэ Iуэхутхьэбзэхэр щыхуащIэ и ЗэзыгъэуIу центрым нэхъыжьхэр щыдоIэпыкъу дзэ Iуэху хэхам щыIэхэм, зыхуеину хьэпшыпхэр ягъэхьэзыр. Волонтёр жыджэрхэр зэхыхьэм щагъэлъэпIащ. Апхуэдэу къызэIуахащ «Дары осени» выставкэр.
УнафэщIыр Жьы хъуахэм я унэм щыIэхэм я гъусэу кIуащ ныкъуэдыкъуэхэм я деж, ерыскъыпхъэхэр яритащ. ФыщIэ псалъэ куэд а махуэм жаIащ.