2024 гъэм фокIадэм и 28-м «Урысей – си тхыдэ» музей-выставкэ комплексым япэу щагъэлъэгъуащ «Спас» телеканалым и «Мамино письмо» фильмыр. Абы хэтащ «Спас» телеканалым и унафэщI, фильмым и продюсер Корчевников Борис.
Гъэлъэгъуэныгъэм щызэхуэсащ медицинэ, егъэджэныгъэ IуэхущапIэхэм я лIыкIуэхэр, студентхэр, хъыбарегъащIэ IуэхущIаапIэхэм я лэжьакIуэхэр. Зэхуэсахэм фIэхъус ирахащ Пятигорск, Черкесск щIыналъэхэм я архиепископ Феофилакт, КъБР-м лъэпкъ IуэхухэмкIэ и министерствэм и лIыкIуэхэр, Къэрэшей-Шэрджэсым и Жылагъуэ палатэм къикIахэр, Корчевников Борис сымэ.
Фильм нэужьым Корчевниковыр, КъШР-м сабийм и хуитыныгъэмкIэ КъШР-м и уполномоченнэ Алэкъей Марие, КъБР-м и Республикэ перинатальнэ центрым и дохутыр нэхъыщхьэ Гаевэ Алёнэ, «Анэхэм папщIэ унэ» IуэхущIапIэм и унафэщI Рубец Ларисэ я гъусэу фильмыр къазэрыщыхъуам тепсэлъыхьащ. Фильмыр къызэзыгъэпэщахэм фIыщIэ хуащIащ унагъуэ куэдым я Iуэху зэIумыбзыр къызэрагъэлъэгъуам папщIэ.