2024 гъэм фокIадэм и 25-м Пятигорск къалэм и «Россия - моя история» музей-выставкэ комплексым къыщызэIуахащ «Казачество на Северном Кавказе: современное состояние и образ будущего» урысейпсо зэхыхьэр. Абы къыщыпсэлъащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Щоджэным къызэгъэпэщакIуэхэмрэ урысейпсо зэхыхьэм хэтхэмрэ ялъигъэIэсащ Пятигорск, Черкесск щIыналъэхэм я архиепископ Феофилакт и хъуэхъур, Тхьэр къадэIэпыкъунуи захуигъэзащ.
Зэхуэсым и лэжьыгъэм хэтащ цIыху 300-м щIигъу, федеральнэ, щIыналъэ гъэзэщIакIуэ властым и лIыкIуэхэр, къэзакъхэр къызэщIиубыдэу. Апхуэдэу еджапIэхэм я егъэджакIуэхэмрэ студентхэмрэ, къэзакъхэм теухуа экспертхэмрэ, дин IуэхущIапIэхэмрэ жылагъуэ зэгухьэныгъэхэмрэ я лIыкIуэхэр.
Зэхуэсым и лэжьыгъэм щыщщ пленарнэ Iыхьэр, зэIущIэхэр, выставкэр, къэзакъхэр дзэ Iуэху хэхам зэрыхэтым теухуар.