2024 гъэм фокIадэм и 21-м, «Россия моя история» музей-выставкэ IуэхущIапIэм щекIуэкIащ Тэрчыдзэм и къэзакъ зэгухьэныгъэм и зэхуэсышхуэ.
Абы и лэжьыгъэм хэтащ УФ-м и Президентым и полномочнэ лIыкIуэу КИФЩI-м щыIэ Чайкэ Юрэ, Пятигорск, Черкесск щIыналъэхэм я архиепископ Феофилакт, урысейпсо къэзакъ зэгухьэныгъэм и атаман Кузнецов Виталий, Тэрч къэзакъыдзэм и атаман Савченкэ Владимир, район, къалэ, станицэ зэгухьэныгъэхэм я къэзакъхэр, къэрал властым и лIыкIуэхэр. ХьэщIэ лъапIэхэм яхэтащ «Терек» гупым и унафэщI генерал-майор Фадюхин Андрей.
Архиепископ Феофилакт зэIущIэм хэтхэм захуигъэзащ: «Иджыпсту зэманым дыкъреджэ цIыхуу дыщытыну. Дэтхэнэ щIыпIэм дыщыIэми... ЦIыху нэсхэм дэни щыхуэныкъуэщ. Зигу, зи псэ къабзэхэм, я щхьэ и мызакъуэу, нэгъуэщIхэми къащхьэщыжыфынухэм».
Апхуэдэу Щихънагъым фIыщIэ хуищIащ Чайкэ Юрэ Хъуромэ махуэшхуэмкIэ икIи жиIащ: «Тхьэм и Анэм и Хъуромэ махуэшхуэм и гукъэкIыжхэр дэтхэнэми гугъэ хурехъу. Ди щIалэхэмрэ хъыджэбзхэмрэ унэм къызэрыкIуэжар дгъэлъэпIэнщ, ди къалэхэр, члисэхэр, станицэхэр, къуажэхэр духуэжынщ Тхьэм жиIэм. Унагъуэшхуэу дызэхуэсынщ.ФIэщхъуныгъэр, лэжьыгъэр, ехъулIэныгъэр, пэжыгъэр диIэу дыпсэунщ».
Къэзакъхэр тепсэлъыхьащ Санкт-Петербургрэ Владимирскэ областымрэ ТВКО къыщызэIуахыным, нэгъуэщI Iуэхугъуэхэм теухуа докладхэм едэIуащ. Тэрчыдзэм и лIыкIуэу урысейпсо къэзакъ зэгухьэныгъэм хэтынухэм я бжыгъэр къагъэлъэгъуащ, Москва щэкIуэгъуэм и 28-30-хэм щекIуэкIынум.