Ставрополь митрополиием и сайтым хъыбар къызэрыдигъэкIамкIэ, 2024 гъэм фокIадэм и 4-м зэхэтащ епархием и архитектурно-ухуэныгъэ къудамэхэм хэтхэм я япэ зэIущIэ, Ставрополь митрополиери хыхьэу. ЗэIущIэм щызэхуэсащ митрополием и лIыкIуэ псори. Пятигорск епархием и лIыкIуэу абы хэтащ Пятигорск епархием и архитектурно-ухуэныгъэ къудамэм и унафэщI щоджэн нэхъыжь Бондарчук Андрейрэ Пятигорск епархием и архитектор Чечин Олегрэ.
Ставрополь епархием и Iэгуъэблагъэм члисэхэр зэрызэрагъэпэщыжым, абы ухуэныгъэхэр зэрыщрагъэкIуэкIым теухуауэ къэпсэлъащ епархием и архитектурно-ухуэныгъэ къудамэм и унафэщI щоджэн нэхъыжь Гомзяк Александр.
Архитектурно-ухуэныгъэ къудамэм и лэжьыгъэр Пятигорск епархием зэраубзыхум тепсэлъыхьащ щоджэн нэхъыжь Бондарчук Андрей. ЩIэныгъэ-проект Iуэхухэм я тхылъхэр зэрагъэхьэзырым къытеувыIащ Пятигорск епархием и архитектор Чечин Олег.
УхуэныгъэщIэхэм теухуа бгъэдыхьэкIэхэмкIэ, Георгиевскэ епархием и Iэгъуэблагъэм щэнхабзэ щIэинхэм я щытыкIэр зыхуэдэм теухуа доклад ищIащ щоджэн Добренкэ Александр.
Зэхыхьэ нэужьым докладхэм тепсэлъыхьыжа нэужь унафэ ящIащ:
Ставрополь митрополием и щэнхабзэ щIэинхэм я объектхэм я реестрхэр зэгуагъэхьэну; Ставрополь митрополием и Iэгъуэблагъэм щыIэ щэнхабзэ щIэинхэм я проектхэр гъэхьэзырынымкIэ дэIэпыкъуэгъу хъуну; Георгиевскэ епархием и лIыкIуэхэм я лъэIукIэ щихъ Николай и цIэр зезыхьэ, Отраднэ къуажэм щыIэ члисэм зыщаплъыьыну, абы щрагъэкIуэкIыну лэжьыгъэхэм теухуа чэнджэхэр ятын папщIэ; щIэныгъэ-проект тхылъхэр ягъэхьэзырын, зэгъэпэщыжыныгъэ щIыналъэ программэхэм хагъэхьэн папщIэ; Ставрополь митрополием и архитектурно-ухуэныгъэ совет щоджэнхэм къызэрагъэпэщыну къыхэлъхьэн; Покров члисэр зэрагъэпэщыжыным теухуа бгъэдыхьэкIэхэм зыхагъэгъуэзэн папщIэ Железноводск къалэм зэхыхьэ къыщызэгъэпэщын;члисэхэм я эскиз проектхэр гъэхьэзырын, Ставрополь митрополием и Iэгъуэблагъэм хэIущIыIу щыщIын папщIэ.