2024 гъэм шыщхьэуIум и 31-м ЕссэнтIыгу къалэм зэгъусэ тхьэлъэIукIэ щагъэлъэпIащ зыгъэпсэхупIэр къызэрызэрагъэпэщрэ илъэси 199-рэ зэрырикъур. Къулыкъур иригъэкIуэкIащ Пятигорск епархием ЕссэнтIыгу округым щиIэ благочиннэ щоджэн нэхъыжь Фещенкэ Стефан. ТхьэлъэIур щрагъэкIуэкIащ Пантелеимоновскэ члисэм щыщIэдзауэ псынэпс №17-м нэс, зэрагъэпэщыжа нэужь ягъэнэхуар.
Благочиннэм тхьэлъэIум хэтхэм Пятигорск, Черкесск щIыналъэхэм я архиепископ Феофилакт и хъуэхъур ялъигъэIэсыжащ, къалэм и Iэтащхьэ Крутников Владимиррэ къэрал думэм и унафэщI Задков Андрейрэ Iуэхур къызэрызэрагъэпэщам папщIэ фIыщIэ яхуищIри икIи фIэхъускIэ захуигъэзащ къалэм щыпсэухэмрэ абы и хьэщIэхэмрэ.