2024 гъэм шыщхьэуIум и 27-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия, Пятигорск епархием и пресс-секретарь щоджэн нэхъыжь Самохин Михаил, къардэн нэхъыжь Голубец Валерий, къардэн Фещенкэ Иоанн. Пастыр нэхъыщхьэм и гъусэу Тхьэ елъэIуащ епархием и унэм и лэжьакIуэхэр, Урыс Чристэн Члисэм и Патриаршэ благочинием и екIуэлIапIэ Тыркуменистаным щыIэм и щоджэнхэр.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ. Илия къеджащ Москварэ Урысей псомрэ я Патриарх Кирилл и юбилей хъуэхъу Пятигорск, Черкесск щIыналъэхэм я архиепископ Феофилакт зэрызыхуигъазэм. Хъуэхъум къыщыхьащ:
«ПщIэ лъагэ зыхуэтщI»
ГукIи псэкIи уи илъэс 50-мкIэ дынохъуэхъу!
Иджыри уи щIалэгъуэу уи гъащIэр Тхьэм тебухуэри, семинарием ущIэтIысхьащ, монах тхьэрыIуэ пщIащ, щоджэн къулыкъур епхьэкIыу щIэбдзащ. Жэуаплыныгъэ ин пылъу илъэс куэдкIэ къулыкъу куэд епхьэкIащ, узэрыерыщыр зылъагъу Тхьэм епископ лэжьыгъэхэм ухишащ, Пятигорск кафедрэм илъэсипщIым щIигъуауэ щыбгъэзащIэм, Урыс Чристэн Члисэм и екIуэлIапIэхэу Тыркуменистаным щыIэми уи нэIэ ятету.
Уи къулыкъумрэ юбилеймрэ ирихьэлIэу щихъ Радонежский Сергий и орденыр (ещанэ нагъыщэр) пхудогъэфащэ.
Тхьэм долъэIу узыншагъэ быдэ уиIэну, пастыр къулыкъумкIэ Тхьэр къыбдэIэпыкъуну.
Архиепископ Феофилакт и илъэс 60-мкIэ апхуэдэу ехъуэхъуащ Пятигорск епархием и Лазаревскэ члисэм и клирик къардэн нэхъыжь Голубец Валерий. Пастыр нэхъыщхьэм Валерэ тыгъэ хуищIащ «За труды на благо Пятигорской епархии» медалым и ещанэ нагъыщэр.