2024 гъэм бадзэуэгъуэм и 13-м Пятигорск, Черкесск щIыналъэхэм я архиепископ Феофилакт игъэнэхуащ Тхьэм и Анэм и «Семистрельная» тхьэнапэм и цIэр зезыхьэ члисэ Железноводск къалэм и сымаджэщым хэтыр икIи тхьэлъэIу литургие щригъэкIуэкIащ.
Щоджэн нэхъыщхьэм къулыкъур дригъэкIуэкIащ Пятигорск епархием Минераловодскэ округым и щоджэнхэм благочиннэ щоджэн нэхъыжь Панасенкэ Алексийрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къалэдэсхэр, сымаджэщым и лэжьакIуэхэмрэ абы зи узыншагъэр щезыгъэфIакIуэхэмрэ.
ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи екIуэлIапIэм и псапащIэхэм щIыхь тхылъхэр яритащ.