2024 гъэм бадзэуэгъуэм и 12-м, щихъхэу апостол Пётррэ Павелрэ я махуэм, Пятигорск, Черкесск щIыналъэхэм я архиепископ Феофилакт Петропавловскэ члисэр игъэнэхуащ къагъэщIэрэщIэжа нэужь икIи тхьэлъэIу литургие щригъэкIуэкIащ.
Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретариатым и щоджэн Яковенкэ Илия, Пятигорск епархием ЕссэнтIыгу округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу. Щоджэн нэхъыщхьэм и гъусэу Тхьэ елъэIуащ члисэм екIуалIэхэмрэ щIыналъэ лъапIэм Тхьэ елъэIуну кIуахэмрэ.
Къулыкъу нэужьымрэ литургиемрэ зэфIэкIа нэужь, Щихънагъым члисэм и хъумакIуэхэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт щIыхь тхылъхэр яритащ зыхуагъэфэщахэмрэ екIуэлIапIэм и псапащIэхэмрэ. Члисэм и ктитор Алексов Павел Щоджэн нэхъыщхьэм тхьэнапэ тыгъэ хуищIащ.