2024 гъэм бадзэуэгъуэм и 9-м, Налшык къалэм Столпник Симеон и цIэр зезыхьэ и члисэм зэхуэсрэ Пятигорск епархием Налшык щиIэ округым и щоджэнхэм я тхьэлъIурэ щекIуэкIащ. Благочиннэ щоджэн нэхъыжь Бобылев Валентин епархиемрэ благочиниемрэ щекIуэкIыну къапэщылъ Iуэхухэм къытеувыIащ. Гуэныхьхэр яIуэтэжыным и пэ къихуэу округым и щоджэн нэхъыжь Лиманов Гермоген узэщIыныгъэкIэ захуигъэзащ, гуэныхьхэр Iуэтэжыным и мыхьэнэр ягу къигъэкIыжу.
2024 гъэм бадзэуэгъуэм и 10-м Минводы и Покров соборым зэхуэсрэ Пятигорск епархием и Минераловодскэ округым и щоджэнхэм гуэныхьхэр Iуэтэжынрэ щекIуэкIащ. Къулыкъум и пэ къихуэу благочинием и щоджэн нэхъыжь Макаров Николай щоджэным и гъащIэм теухуа узэщIыныгъэ жиIащ. Благочиннэ щоджэн нэхъыжь Панасенкэ Алексий щоджэнхэр Iуэхум хигъэгъуэзащ.
А махуэ дыдэм Тхьэм и Анэм и «Живоносный источник» тхьэнапэм и цIэр зезыхьэ члисэ Нежинскэ къуажэм щыIэм гуэныхьхэр щаIуэтэжащ икIи Кисловодск члисэ округым и щоджэнхэм я зэхуэс щекIуэкIащ. Щэхухэр иригъэкIуэкIащ благочинием и щоджэн нэхъыжь Лиманов Гермоген. Кронштадский Иоанн и псалъэхэр ягу къигъэкIыжащ абы. Гуэныхьхэр яIуэтэжа нэужь тхьэлъэIу литургие ирагъэкIуэкIащ. ЕкIуэлIапIэм и гъащIэмрэ тхьэлъэIу практикэмрэ теухуа Iуэхухэм щыхэплъащ благочиннэм и щоджэн нэхъыжь Знаменский Иоанн иригъэкIуэкIа зэIущIэм.
2024 гъэм бадзэуэгъуэм и 11-м, апостол нэщIым и иужьрей махуэм Успенскэ Второафонскэ Бештаурскэ цIыхухъу къулъшырыфым щэхухэм зыщыхагъэгъуэзащ. Щоджэн нэхъыжь Лиманов Гермоген узэщIыныгъэкIэ захуигъэзащ зэхуэсахэм. ТхьэлъэIу литургиер Успенскэ соборым щригъэкIуэкIащ щоджэнархимандрит, Пятигорск, Черкесск щIыналъэхэм я архиепископ Феофилакт.