2024 гъэм мэкъуауэгъуэм и 24-м Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан хэтащ Тэрч къэзакъыдзэм и къэзакъ щIалэгъуалэм я япэ зэхуэсым. Ар щекIуэкIащ Ставрополь крайм хыхьэ Кочубеевскэ щIыналъэм и Заветнэ къуажэм.
Пленарнэ зэIущIэм и пэ къихуэу тхьэлъэIу литургие екIуэкIащ. Тэрч къэзакъыдзэм и щоджэнхэр Тхьэ елъэIуащ лажьэншэу яукIа щоджэн нэхъыжь Котельников Николайрэ Михаилрэ папщIэ.
Зэхуэсым и лэжьыгъэр иригъэкIуэкIащ Тэрч къэзакъыдзэм и щоджэн нэхъыжь Самойленкэ Павел. Абы зэхуишэсащ зи ныбжькIэ зэщхьэщыкI цIыху 500-м щIигъу икIи махуэшхуэ концерткIэ зэхуащIыжащ.