2024 гъэм мэкъуауэгъуэм и 14-м «Воин» дзэ-патриот клубым и спортсменхэр щыIащ Осетие Ищхъэрэ-Алание республикэм и щIыналъэ лъапIэхэм. Абыхэм я гъусащ Черкесск къалэм и Никольскэ соборым и клирик щоджэн Гурин Александр.
Япэу ахэр щыIащ Аланскэ Богоявленскэ цIыхубз къулъшырыфым. ЗыплъыхьакIуэ нэужьым щIыналъэ лъапIэм кIуахэм псынэпсым зыщагъэпскIащ, щихъ, телъыджэ къэзыгъэхъу Николай и цIэкIэ ягъэнэхуам.
Алагир къалэм ахэм зыщаплъхыьащ Вознесенскэ соборым. Члисэм абыхэм защригъэплъыхьащ соборым и щоджэн Кисиев Соссий. ИужькIэ гупыр кIуащ Аланскэ Успенскэ цIыхухъу къулъшырыф Хидикус къуажэ Владикавказ щыIэм.
Апостол пэлъытэ щихъ Владимир КъШР-м къикIа хьэщIэхэм папщIэ иригъэкIуэкIащ тхыдэ щIэныгъэхэм я кандидат Киреев Феликс. Ар къытеувыIащ Осетием и чристэн диным, Тэрч къэзакъыдзэм я тхыдэхэм.
Беслъэн къалэм спортсменхэр щыIащ Урыс Члисэм Тхьэм папщIэ бэлыхь куэд зрагъэшэча, гуэныхьхэр зрагъэIуэтэжа и щихъхэм я члисэм, «МелыIычхэм я къалэ» кхъэм, террористхэм цIыхухэр щаубыдам. Спортзалым, пэшхэм сабийхэм къыщащIащ 2004 гъэм фокIадэм абы къщыхъуа гузэвэгъуэм теухуахэр, хэкIуэдахэм ятеухуахэр.
Апхуэдэу спортсмен ныбжьыщIэхэр хагъэгъуэзащ Куртатинскэ, Алагирскэ аузхэм я щIыпIэ дахэхэм.