2024 гъэм мэкъуауэгъуэм и 9-м Черкесск къалэм и Никольскэ соборым и щIалэгъуалэмрэ «Воин» патриот клубым и спортсменхэмрэ соборым екIуалIэхэм я гъусэу Къэрэшей-Шэрджэсым и къэлъыхъуакIуэ-къегъэлакIуэ гуп Дзераев Вячеслав и цIэр зезыхьэм я деж зыплъыхьакIуэ щыIащ.
КъегъэлакIуэхэм я лэжьыгъэм теухуа зэпсэлъэныгъэ иригъэкIуэкIащ къэлъыхъуакIуэ-къегъэлакIуэ гупым я унафэщI Мыльников Сергей. Ар къытеувыIащ къегъэлакIуэм и къалэнхэм, лэжьапIэ щыувкIэ къыпэщылъхэм. Апхуэдэу хьэщIэхэр еплъащ бгым къыщагъуэта хьэпшып лъапIэхэм, къегъэлакIуэ техникэм.