2024 гъэм мэкъуауэгъуэм и 2-м Пятигорск епархием и «Целебный Ессентуки» иппотерапие центрым махуэшхуэ щызэхэтащ сабийхэр хъумэным и дунейпсо махуэм теухуауэ. Центрым и гъэсэнхэм папщIэ интерактивнэ программэ ягъэхьэзыращ. Аниматорхэм сабийхэм я нэгу зрагъэужьащ, сабий нэхъыжьхэм шыкIэ къажыхьащ, сурэтхэр зытрагъэхащ.
Сабийхэм ехъуэхъуну къэкIуащ псапащIэхэр, центрым и ныбжьэгъухэр – УФ-м и Президентым и полномочнэ лIыкIуэу КИФЩI-м щыIэм и къуэдзэ Владимиров Максим, Георгиевскэ муниципальнэ округым и Думэм и унафэщI Стрельников Александр, къалэ администрацэм и лIыкIуэхэр, Пятигорск къалэм и «Факт» клиникэм щыщхэр.
Махуэшхуэр и кIэм щынэблагъэм центрым и гъэсэнхэм я унагъуэхэм «Сад мира» жыгыщIэхэр ягъэтIысащ. Ахэр Пятигорск, Черкесск щIыналъэхэм я архиепископ Феофилакт къаритащ.