2024 гъэм мэкъуауэгъуэм и 2-м, IутIыжым и 5 тхьэмахуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ апостол пэлъытэ Магдалинэ Марие и цIэр зезыхьэ собор Налшык къалэм дэтым.
Щоджэн нэхъыщхьэм къулыкъур драгъэкIуэкIащ соборым и щоджэнхэм унафэщIыр я пашэу, Пятигорск епархием Налшык щиIэ округым и благочиннэ щоджэн нэхъыжь Бобылев Валентинрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ Къэбэрдей-Балъкъэрым щыпсэухэм.
ХъыбарыфIхэр зэрыт тхылъым къыщыхьахэм къеджа нэужь Щихънагъым фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым екIуэлIапIэм кIуэхэм епсэлъащ.