Накъыгъэм и 26-м, IутIыжым и еплIанэ тхьэмахуэм, архиепископ Феофилакт КъегъэлакIуэ Христос и кафедральнэ соборым IутIыж махуэшхуэр щригъэкIуэкIащ Пятигорск къалэм. ТхьэлъэIу уэрэдхэр игъэзэщIащ Москва и Синод хорым.
А махуэ дыдэм ЕссэнтIыгу къалэм и Петропавловскэ члисэ комплексыр илъэс 25-рэ зэрырикъур ягъэлъэпIащ. Щихънагъ Феофилакт игъэнэхуащ метр 22-рэ зи лъагагъ КъегъэлакIуэ Христос и теплъэ члисэ IуэхущIапIэм и Iэгъуэблагъуэм щыIэр.
Махуэшхуэм хыхьэу Москва и Синод хорым зыкъигъэлъэгъуащ. Махуэшхуэ тхьэлъэIумрэ концертымрэ щоджэнхэр, къалэдэсхэр, зыгъэпсэхупIэм и хьэщIэхэр, щIыналъэ лъапIэм Тхьэ елъэIуну къэкIуахэр щызэхуэсащ.
Накъыгъэм и 27-м фестивалым и концертыр щекIуэкIащ Къэрэшей-Шэрджэс республикэм и Къэрал филрмонием. Хорхэм зыкъагъэлъэгъуэныр къызэрагъэпэщащ КъШР-м щэнхабзэмкIэ и министр Агъырбэ Зурабрэ республикэ филармонием и унафэщI Бэрокъуэ Рэмэзанрэ я фIыгъэкIэ.
Концертым хыхьэу зыкъагъэлъэгъуащ Черкесск къалэм и Никольскэ, Покров члисэхэм я хорхэм, Покров члисэм и сабий хорым. Чесноков П., Кастальский А., Астафьев А., Дегтярев С., Чайковский П., Рахманинов С., Данилин Н., Бортнянский Д., Висков А., Третьяков А., митрополит Иларион (Алфеев), щоджэн нэхъыжь Ведерников Николай, къардэн Трубачев Сергий, нэгъуэщI композиторхэм я лэжьыгъэхэр ягъэзэщIащ.
Концертым кIуащ къалэдэсхэмрэ абы и хьэщIэхэмрэ, ЕссэнтIыгу къалэм и Георгиевскэ екIуэлIапIэм и гъэсэнхэр.