2024 гъэм накъыгъэм и 24-м иужьрей уэзджынэр къыщеуащ Черкесск къалэм «ЕгъэджэныгъэмкIэ и центрым» и 9 «Г» классым щIэсхэм, 2019 гъэм Свято-Сергивескэ гимназием и пэщIэдзэ классыр къэзыухахэм папщIэ. Гимназием ныбжьыщIэхэр къэкIуащ я егъэджакIуэмрэ ЕгъэджэныгъэмкIэ центр №11-м и унафэщIым и къуэдзэ Поповэ Иринэрэ я гъусэу.
Актовэ пэшым еджапIэр къэзыуххэм къащыIущIащ гимназием и щоджэн, Никольскэ соборым и ключарь Кузнецов Сергей. Гимназиер къэзыуххэм зэхыхьэр тхьэлъэIукIэ ирагъэжьащ. Сергий гимназием и гъэсэнхэм ялъигъэIэсащ Пятигорск, Черкесск щIыналъэхэм я архиепископ Феофилакт и псалъэхэр икIи экзаменхэр тыншу ятыну, щIэныгъэм ехъулIэныгъэхэр щаIэну захуигъэзащ.
Школ, гимназие махуэхэр зэрыкIуам и фэеплъу щоджэным гимназиер къэзыух дэтхэнэми саугъэтхэр яритащ.
НыбжьыщIэхэр щоджэнхэмрэ егъэджакIуэхэмрэ я гъусэу Iэнэм тIысащ.