Апостол пэлъытэхэу Мефодийрэ Кириллрэ я фэеплъ махуэм Чристэн Свято-Никольскэ классическэ гимназием и гъэсэнхэр накъыгъэм и 24-м щызэхуэсащ Кисловодск къалэм и Никольскэ соборым и тхьэлъэIум. ТхьэлъэIу нэужьым гимназием и унафэщI щоджэн нэхъыжь Знаменский Иоанн гимназием и гъэсэнхэм щIыхь тхылъхэр яритащ зэпеуэхэм къызэрыщыхэжаныкIам, зэхыхьэхэм жыджэру зэрыхэтам папщIэ.
УнафэщIым апхуэдэу щIыхь тхылъ егъэджакIуэхэм яритащ щIыналъэ, урысейпсо зэпеуэхэм къыхэжаныкIахэм. Иоанн псом хуэмыдэу къыхигъэщащ тхыдэмрэ обществознаниемкIэ егъэджакIуэ, тхыдэ щIэныгъэхэм я кандидат Савенкэ Сергей и лэжьыгъэхэр икIи фIыщIэ тхылъ иритащ «Эпоха Екатерины II» тхыдэ викторинэм щытекIуа сабийхэр зэригъэхьэзырам папщIэ.
Гимназием и гъэсэнхэм гъэ кIуам ехъулIэныгъэ куэд зыIэрагъэхьащ, япэ увыпIэхэр къалэ, щIыналъэ, урысейпсо олимпиадэхэм къыщахьащ хор гъуазджэмкIэ, сурэт щIынымкIэ, тхыдэмкIэ, хъыбарегъащIэ технологиехэмкIэ.
Иоанн еджакIуэхэм ехъуэхъуащ гъэмахуэ зыгъэпсэхугъуэхэр ирагъэкIуэкIыну. УнафэщIым дэтхэнэми IэфIыкIэхэр иритащ.