2024 гъэм накъыгъэм и 25-м, Тхьэм и Анэм и Мэздэгу тхьэнапэм и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м и Прохладнэ къалэм и Никольскэ соборым. Щоджэн нэхъыщхьэм къулыкъур драгъэкIуэкIащ Пятигорск епархием и щоджэнхэм Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къэзакъхэр, къалэм щыпсэухэр, Тхьэм и нэфI зыщыхуа Кавказым и щIыналъэхэм Тхьэ елъэIуну кIуахэр.
Литургие нэужьым Щихънагъым зэгъусэ тхьэлъэIур иригъэкIуэкIащ. Абы хэтащ фIэщхъуныгъэ зиIэ цIыху щэ бжыгъэхэр. ИужькIэ архиепископ Феофилакт махуэшхуэм хэтхэм захуигъэзащ узэщIыныгъэкIэ икIи щоджэнхэмрэ сабийхэмрэ я гъусэу жыгыщIэ 1000 игъэтIысащ, епархием и екIуэлIапIэхэмрэ къулъшырыфхэмрэ тыгъэ хуащIахэр.