2024 гъэм накъыгъэм и 22-м, щихъ Николай и къарум щыщ Iыхьэхэр щигъэIэпхъуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Кисловодск къалэм и Никольскэ соборым.
Щоджэн нэхъыщхьэм къулыкъур драгъэкIуэкIащ Пятигорск епархием и щоджэнхэм Кисловодскэ округым и благочиннэ, соборым и унафэщI щоджэн нэхъыжь Знаменский Иоанн я пашэу. Пастыр нэхъыщхьэм и гъусэу Тхьэ елъэIуащ Чристэн Свято-Никольскэ классическэ гимназием и гъэсэнхэмрэ егъэджакIуэхэмрэ, къалэм щыпсэухэмрэ зыгъэпсэхупIэм и хьэщIэхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ икIи уэзджынэр щигъэзууащ соборым. ИужькIэ архиепископ Феофилакт фIэщхъуныгъэ зиIэхэм узэщIыныгъэкIэ захуигъэзащ икIи соборым и псапащIэхэм фIыщIэ тхылъхэр тыгъэ яхуищIащ. Тихомин Владислав иритащ «За труды на благо Пятигорской епархии» медалым и I нагъыщэр. Графовэ Юлэ иритащ Щоджэн нэхъыщхьэм и щIыхь тхылъыр.