2024 гъэм накъыгъэм и 17-м, Пятигорск и Спасскэ кафедральнэ соборым щрагъэжьащ «Отчизны верный сын» XI Епархие щIэныгъэ-практикэ конференцэр. Илъэс зыбжанэ хъуауэ ар къэзакъ щэнхабзэр фIыуэ зылъагъу Тэрч зэгухьэныгъэм и гъусэу епархием ирегъэкIуэкI.
Евдокимовскэ къеджэныгъэхэр, гъэ къэси хуэдэу, тхьэлъэIукIэ ирагъэжьащ. Ар щрагъэкIуэкIащ 2013 гъэм генерал Евдокимов Николай хуагъэува фэеплъым деж, Пятигорск, Черкесск епархием и архиепископ Феофилакт къэзакъ зэгухьэныгъэхэм я щоджэнхэм я гъусэу. Фэеплъым удз гъэгъахэр тралъхьащ.
ИужькIэ къеджэныгъэм хэтхэмрэ абыхэм я унафэщIхэмрэ, конференцэм и хьэщIэхэр щызэхуэсащ Пятигорск епархием и ЩIалэгъуалэ цетрым. Архиепископ Феофилакт Евдокимовскэ къеджэныгъэхэр къызэIуихащ, Япэ дунейпсо зауэр зэрыщIидзэрэ илъэси 110-рэ зэрырикъум теухуар. Щихънагъыр тепсэлъыхьащ Урыс армэм и офицерхэм, абыхэм зэрахьа лIыгъэм, лIыхъужьыгъэм, я фIэщхъуныгъэм.
Къэзакъ щэнхабзэр фIыуэ зылъагъухэм я зэгухьэныгъэм и унафэщI Губенкэ Олег рефератхэр зыщIахэр щаригъэцIыхум къыхигъэщащ Евдокимовскэ къеджэныгъэхэм хэтхэм я бжыгъэм гъэ къэс зэрызиубгъур. Пятигорск, Москва, Краснодар крайм хэтхэри хэтащ абы.
КъэпщытакIуэхэм лэжьыгъэ 23-рэ яIэрыхьащ. Абы щыщу 15-р хагъэхьащ «Терские и кубанские казаки в Великой войне 1914–1918 гг.» къыдэкIыгъуэм. Къеджэныгъэхэм щытекIуащ Минводы къалэм и гимназие №103-м и еджакIуэ Колосов Олег. КъэпщытакIуэхэм къагъэлъэгъуащ етIуанэ, ещанэ увыпIэхэр зэдэзыгуэшахэри. ТекIуахэм щIыхь тхылъхэр иратащ Пятигорск, Черкесск щIыналъэхэм я архиепископ Феофилакт и Iэ зыщIэлъыр, ахъшэ саугъэт, тхыдэ тхылъхэр.