2024 гъэм накъыгъэм и 26-27-хэм Пятигорск, Черкесск, ЕссэнтIыгу щэнхабзэ жэрдэмххэмкIэ Президент фондыр и дэIэпыкъуэгъуу щекIуэкIынущ духовнэ макъамэмкIэ «Свет Христов» III Патриаршэ лъэпкъыбэ фестивалым и концертхэр. Духовнэ лэжьыгъэ нэхъыфIхэр къатынущ фестивалым и лауреат, Москва и Синод хор Урысейм и артист Пузаков Алексей зи унафэм щIэтымрэ макъамэ еплъыныгъэм хэтхэмрэ.
Накъыгъэм и 26-м Пятигорск къалэм и Спасскэ кафедральнэ соборым (Соборнэ уэрам, 1 а) Литургие щекIуэкIынущ, тхьэлъэIу уэрэдхэр Москва и Синод хорым игъэзэщIэнущ. ТхьэлъэIухэр сыхьэти 10-м ирагъэжьэнущ. А махуэ дыдэм Москва и Синод хорым духовнэ музыкэмкIэ концерт щитынущ Петропавловскэ члисэ комплекс ЕссэнтIыгу щыIэм мы хэщIапIэм: Боргустанскэ ш., унэ 22. Зэхыхьэр сыхьэт 16-м ирагъэжьэнущ.
Накъыгъэм и 27-м Къэрэшей-Шэрджэс Республикэм (Черкесск къалэ, Первомай уэрам, унэ 26) и Къэрал филармонием щекIуэкIынущ «Свет Христов» фестивалым и концерт. Абы зыкъыщагъэлъэгъуэнущ Москва и Синод хорым, телъыджэ къэзыгъэхъу щихъ Николай и цIэр зезыхьэ соборым и Архиерей пщIантIэм и хорым. Концертым сыхьэт 18-м щIидзэнущ.
***
Москварэ Урысей псомрэ я Патриарх Кирилл и арэзыныгъэкIэ, 2021 гъэм щыщIэдзауэ Урысейм и къалэ куэдым «Свет Христов» фестивалыр щокIуэкI. Абы и къалэныр – урыс духовнэ макъамэ зыгъэзащIэ хор гупхэм я музыкэ-узэщIыныгъэ Iуэхум зегъэужьынырщ. Ар зэрырагъажьэрэ цIыху 2000-м щIигъу абы зэкъуигъэуващ Урысей Федерацэм и щIыналъэ 42-м щыщу. Фестивалыр къызэзыгъэпэщахэм я дэIэпыкъуэгъущ Москварэ Урысей псомрэ я Патриархым урыс члисэ уэрэдхэм зегъэужьынымкIэ и Члисэ-жылагъуэ советыр.