Тхьэмахуэ нэхум Кисловодск къалэм и Чристэн Свято-Никольскэ классическэ гимназием щагъэлъэпIащ Христос и IутIыжыр. Блыщхьэ нэхур ирагъэжьащ гиманзием и гъэсэнхэр зыхэт тхьэлъэIу литургиекIэ. ТхьэлъэIу уэрэдхэр жиIащ гимназием и хорым.
IутIыж зэгъусэ тхьэлъэIу нэужьым Никольскэ соборым и унафэщI, гимназием и унафэщI щоджэн нэхъыжь Знаменский Иоанн сабийхэм тыгъэ яхуищIащ IэфIыкIэхэр.
Гимназием махуэшхуэр щрагъэжьащ «Пасха! Победа!» концерт программэмкIэ. Залым щызэхуэсащ егъэджакIуэхэр, гимназием и гъэсэнхэр, адэ-анэхэр. Мы гъэм концертыр траухуащ Христос и махуэшхуэмрэ ТекIуэныгъэ Инымрэ.
Иоанн Христос и махуэшухэмкIэ ехъуэхъуащ гимназиер къызэзыгъэпэща, Пятигорск, Черкесск щIыналъэхэм я архиепископ Феофилакт. Абы къыхигъэщащ IутIыжым гуфIэгъуэ, фIэщхъуныгъэ, гугъэ къызэрыдэкIуэр, гуапагъэм зэрыхуигъэушыр икIи сабийхэр къыхуриджащ зэпымыууэ зэкъуэтыну, зыр адрейм дэIэпыкъуну, Тхьэм фIыщIэ хуащIыну.
IутIыж гуфIэгъэукIэ гъэнщIа махуэр IутIыж IэнэкIэ зэхуащIыжащ.