2024 гъэм накъыгъэм и 12-м Железноводск и къудамэу СГПИ-м иIэм щекIуэкIащ «Пасхальная радость» IутIыж фестивалыр.
Иноземцевэ къуажэм и Иоанно-Предтечи члисэм IутIыж махуэхэм къызэригъэпэщ махуэшхуэм цIыхушхуэ зэхуишэсащ. Усэхэр, уэрэдхэр, къафэхэр абы щагъэлъэгъуащ IуэхущIапIэ зэмылIэужьыгъуэхэм щыщхэм.
«Хуторяне» гупыр зэхыхьэм зэхуишэсахэр IэгуауэкIэ IущIащ. Минераловодскэ щIыналъэм и Красный Пахарь щIыналъэм и курыт еджапIэ №14-м щыщ ныбжьыщIэ 30-м къэзакъ уэрэдхэр жаIащ.
Юбилей фестивалыр къызэIуихащ зэхыхьэм хэтхэм я нэхъыщIэ дыдэм. Илъэситху хъу Семеновэ Аннэ къеджащ «Святая весть» усэм.
Сабийхэм Христос ягъэлъэпIащ, Хэкур фIыуэ зэралъагъур къыхагъэщащ, Хэку зауэшхуэм хэкIуэдахэр ягу къагъэкIыжащ.
Члисэм и унафэщI щоджэн нэхъыжь Великородный Павелрэ тхьэмахуэ школым и унафэщI Великородная Аннэрэ ныбжьыщIэхэм зэрызыкъагъэлъэгъуам папщIэ ягъэлъэпIащ. Егъэджэныгъэ IуэхущIапIэхэм я унафэщIхэмрэ егъэджакIуэхэмрэ фIыщIэ хуащIащ я гъэсэнхэр IутIыж фестивалым зэрыхэтам папщIэ.