Москварэ Урысей псомрэ я Патриархым урыс члисэ уэрэдхэм зегъэужьынымкIэ и Члисэ-жылагъуэ советым и сайтым къызэрыщыхьамкIэ, 2024 гъэм накъыгъэм и 12-м, IутIыжым и 2-нэ тхьэмахуэм, Фомэ апостолым, КъегъэлакIуэ Христос и кафедральнэ соборнэ члисэм Москварэ Урысей псомрэ я Патриарх Кирилл тхьэлъэIу литургиер щригъэкIуэкIащ. ТхьэлъэIум ныбжьыщIэхэри хэтащ. «Сабий» литургиер ебланэу къызэрагъэпэщ.
Тыхь щIапIэм къыщызэрагъэпэщащ тхьэмахуэ школхэмрэ чристэн курыт школхэмрэ я гъэсэн 26-м щыщ гуп къыхахри, я ныбжьыр илъэси 9-м щыщIэдзауэ 15 хъууэ. Тыхь щIапIэм щыIэхэм яхэтт Новгород Ищхъэрэм щыщ, илъэс 14 хъу Красильников Евграф. Ар ящыщщ «Круг добра» фондым зи нэIэ щIэтхэм, зи узыншагъэм къимыхьхэм.
ТхьэлъэIум хыхьэ уэрэдхэр жаIащ сабий хорым хэтхэм, Москварэ Урысей псомрэ я Патриархым урыс члисэ уэрэдхэр жыIэнымкIэ и Члисэ-жылагъуэ советым и секретарым и нэIэм щIэту.
Сабийхэр тхьэлъэIум къыхэшэн Iуэхур къызэрегъэпэщ урыс члисэ уэрэдхэр жыIэнымкIэ Члисэ-жылагъуэ советым. Мы гъэм хорым сабий 572-рэ хэтащ. Урыс Чристэн Члисэм и епархиехэм я хор 34-рэ хэтащ абы.
Гупым хэтащ Кисловодск къалэм и Чристэн Свято-Никольскэ классическэ гимназием и хорри. Гимназием и гъэсэнхэмрэ егъэджакIуэхэмрэ дохъуэхъу!