2024 гъэм накъыгъэм и 9-м ЕссэнтIыгу къалэм и Къэзан члисэм уэзджынэр щагъэнэхуащ икIи абы иужькIэ занщIэу фэеплъ уэзджынэр щагъэзууащ. Абы хыхьэу ягу къагъэкIыжащ дзэ Iуэху хэхам хэкIуэда зауэлIхэр, къэзакъхэр, мамыр цIыхухэр.
Уэзджынэр игъэнэхуащ Пятигорск епархием ЕссэнтIыгу щиIэ къудамэм и екIуэлIапIэхэм я благочиннэ, епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. ЕкIуэлIапIэм кIуэхэм я гъусэу уэзджынэр щагъауэм Тхьэ елъэIуащ ЕссэнтIыгу къалэм и къэзакъхэр, атаман Борисенкэ Виктор я пашэу.
Гъэнэхун къулыкъу нэужьым благочиннэм фIыщIэ тхылъыр иритащ Пятигорск, Черкесск щIыналъэхэм я архиепископ Феофилакт Алёхин Михаил члисэм уэзджынэ къищэхунымкIэ къызэрыдэIэпыкъуам папщIэ.
Члисэм и унафэщI щоджэн нэхъыжь Шмылик Олег екIуэлIапIэм кIуэхэм фIыщIэ яхуищIащ, уэзджынэр къэгъэщIэрэщIэжын Iуэхум зэрыхэтам папщIэ.