Пятигорск ТекIуэныгъэм и Паркым лъэпкъ гвардием Кавказ Ищхъэрэм щиIэ зауэлIхэм ирагъэкIуэкIащ «Вахта памяти» Iуэхур. Хэку зауэшхуэм нэмыцэ фашистхэр зэхэзыкъутахэм я щIыхькIэ къызэрагъэпэщащ ар.
Iуэхум хэтащ Урысей гвардием Кавказ Ищхъэрэ округым щиIэ къудамэм и унафэщI генерал-пловник Захаров Сергей, абы и къуэдзэхэр, УФ-м и Президентым и полномочнэ лIыкIуэу КИФЩI-м щыIэм и къуэдзэ Конин Андрей, къэрал властым и органхэм, Кавказым и Минводы и къалэхэм я администрацэхэм я лIыкIуэхэр, хабзэхъумэ IэнатIэхэм, егъэджэныгъэ IуэхущIапIэхэм къикIахэр.
Пятигорск епархием и лIыкIуэу абы хэтащ IэщэкIэ зэщIэузэда къарухэм, хабзэхъумэ IэнатIэхэм, пенитенциарнэ IуэхущIапIэхэм ядэлэжьэнымкIэ къудамэм и унафэщI щоджэн нэхъыжь Сорокин Константин.
Пятигорскдэс минрэ ныкъуэм щIигъу, къалэ-зыгъэпсэхупIэм и хьэщIэхэр хэтащ «Вахта памяти» Iуэхум.