2024 гъэм накъыгъэм и 6-м, Христос и IутIыжым и етIуанэ махуэм, Тхьэм папщIэ бэлыхь куэд зрагъэшэча Георгий и фэеплъым щыгъуэ, Пятигорск, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ X лIэщIыгъуэм и Георгиевскэ члисэ Шоан бгым тетым.
Махуэшхуэм и пэ къихуэу Щихънагъым армеец ныбжьыщIэхэм фIэхъус ирахащ, хабзэ зэрыхъуауэ, Георгий и лентIыр хузэрадзащ. «Пасха в год Победы» Iуэхум гъэ къэс щыщ Iыхьэ мэхъу лентIхэр гуэшыныр.
Щоджэн нэхъыщхьэм къулыкъур драгъэкIуэкIащ Пятигорск епархием и благочиннэ Ипщэ Къэрэшей-Шэрджэс члисэ округым и щоджэн нэхъыжь Субтельный Евгений я пашэу. Пастыр нэхъыщхьэм и гъусэу Тхьэ елъэIуащ Хетагуров Коста и цIэр зезыхьэ къуажэм щыпсэухэр, республикэм и осетин зэгухьэныгъэм щыщхэр.
Литургие нэужьым Щихънагъым игъэлъэпIащ Тхьэм папщIэ бэлыхь куэд зрагъэшэча Георгий икIи фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIум хэтхэм Къэрэшей-Шэрджэсым и унафэщIым къыбгъэдэкIыу фIэхъус ярихащ «День республики» газетым и редактор нэхъыщхьэ Кратов Евгений. ИужькIэ архиепископ Феофилакт Щоджэн нэхъыщхьэм и щIыхь тхылъыр иритащ Смазнов Алексей, Георгиевксэ члисэм илъэс куэд хъуауэ махуэшхуэ тхьэлъэIухэр къызэрыщызэригъэпэщым папщIэ.