2024 гъэм мэлыжьыхьым и 23-м Кисловодск и Чристэн Свято-Никольскэ классическэ гимназием щекIуэкIащ Плеханов Г. В. и цIэр зезыхьэ Урысей экономикэ университетым Севастополь щиIэ къудамэм и унафэщI, профессор Шевчук Игоррэ студентхэмрэ я зэIущIэ.
ХьэщIэм гимназием и гъэсэнхэм я пащхьэм щигъэлъэгъуащ «Евангелие. Образы и образа» узэщIыныгъэ проектыр.
Профессорыр къытеувыIащ ХъыбарыфIхэр зэрыт тхылъыр зэраджыну мультимедие платформэм. ЩIэблэм члисэм и тхыдэр ирагъэщIэн, Евхрастием и Щэхум хагъэгъуэзэн папщIэ, проектым и япэ Iыхьэм хагъэхьащ Пщыхьэщхьэ Щэхум и сюжетыр. Абы папщIэ Ге Н. и «Тайная вечеря» сурэтымрэ Кирилло-Белозерскэ къулъшырыфым и тхьэнапэмрэ зы ящIащ. «Тайная вечерня» тхьэнапэм къыщыхьа апостолхэм я цIэхэр зэуэ къытредзэ, КъегъэлакIуэм и иужьрей махуэхэм я Инджыл тхыдэми ущыкIэлъыплъыфынущ.
Гимназием и гъэсэнхэм Инджыл тхыдэм зыхагъэгъуэзащ, проектым хыхьэу, щIэныгъэлIым жиIэхэм едэIуащ, упщIэхэм жэуап иратащ.
Зэхыхьэр щиухым Игорь библиотекэм тыгъэ хуищIащ гъуазджэ тхылъхэр, История в одной картине. Сергий Радонежский. Духовный собиратель земли Русской» интерактивнэ проектым узэреплъыну ссылкэр зытет саугъэтхэр.
Гимназием и унафэщI щоджэн нэхъыжь Знаменский Иоанн хьэщIэм фIыщIэ хуищIащ и проект щхьэпэм папщIэ икIи Щихъ Николай и сурэтыр зытет IутIыж джэдыкIэр тыгъэ хуищIащ.