2024 гъэм мэлыжьыхьым и 12-м Пятигорск, Черкесск щIыналъэхэм я архиепископ Феофилакт Тэрч къэзакъыдзэм и штабыщIэр игъэнэхуащ. Абы щекIуэкIащ щIыналъэм и къэзакъ зэгухьэныгъэхэм я атаманхэмрэ «Терек» къэзакъ гупым и зауэлIхэмрэ.
Ставрополь крайм и Губернатор Владимиров Владимир ТВКО хэхыныгъэм мазаем ирихьэлIэу къэзакъхэм ирита штабыщIэм щыIащ УФ-м и Президентым и полномочнэ лIыкIуэу КИФЩI-м щыIэ Чайкэ Юрий.
Къэзакъхэм хьэщIэхэм жраIащ къапэщылъ къалэнхэр зыхуэдэр, дзэ Iуэху хэхам хыхьэу ягъэзащIэхэр. Президентым и полпредым и гъусэу ахэр тепсэлъыхьащ батальонхэмрэ отрядхэмрэ къызэрызэгъэпэщам, нэгъуэщIхэми.
ЗэIущIэм хэтащ урысейпсо къэзакъ зэгухьэныгъэм и атаман Кузнецов Виталий, Ставрополь крайм и Правительствэм и УнафэщI Коваленко Юрий, Тэрч къэзакъыдзэм и къэзакъ зэгухьэныгъэм и атаман Савченкэ Владимир, «Терек» гупым и унафэщI Фадюхин Андрей.