НОВОПАВЛОВСК щекIуэкIащ къэзакъхэм ядэлэжьэнымкIэ коллегием и зэIущIэ

01.04.2024
Просмотры: 624

2024 гъэм гъатхэпэм и 28-м Тхьэм и Анэм и Владимирскэ тхьэнапэм и цIэр зезыхьэ члисэ Новопавловскэ къалэм щыIэм Ставрополь митрополием къэзакъхэм ядэлэжьэнымкIэ и Межъепархиальной коллегием и зэIущIэ щызэхэтащ. Пятигорск, Черкесск щIыналъэхэм я архиепископ Феофилакт и арэзыныгъэкIэ зэIущIэр щекIуэкIащ Новопавловск къалэм Тхьэм и Анэм и Владимирскэ тхьэнапэм и цIэр зезыхьэ и члисэм.

Коллегием и лэжьыгъэм хэтащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан, ТВКО-м и дзэ щоджэн нэхъыжь Самойленкэ Павел, Георгиевскэ, Прасковейскэ епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Силко Михаил. ЗэIущIэм и пэ къихуэу Стефан зэхыхьэм хэтхэмрэ абы и хьэщIэхэмрэ ялъигъэIэсыжащ архиепископ Феофилакт и арэзыныгъэр икIи я лэжьыгъэр къехъулIэным теухуа хъуэхъур.

Зэхыхьэм щыхэплъащ мы Iуэхугъуэхэм:

  1. 2024 гъэм щIышылэм и 23-27-хэм Москва щекIуэкIа «Православие и отечественная культура: потери и приобретения минувшего, образ будущего» XXXII Дунейпсо Хъуромэ щIэныгъэ къеджэныгъэхэм, VII унэтIыныгъэ «Церковь и казачество: пути воцерковления и сотрудничества» кърикIуахэр.

2. ТВКО-м отчет-хэхыныгъэ ин Пятигорск 10.02.2024 гъэм щекIуэкIам.

3. Урысейпсо къэзакъхэм я етIуанэ зэхуэсышхуэ 28.02.2024 гъэм Москва къалэм КъегъэлакIуэ Христос и цIэр зезыхьэ и члисэм щекIуэкIам.

     4. Кочубеевскэ районым и япэ къэзакъ щIалэгъуалэ зэхуэс Заветнэ къуажэм мэкъуауэгъуэм и 24-м щызэхэтам.

     5. Новопавловск къалэм ТВКО-м и щоджэнхэмрэ къэзакъхэмрэ я конференцэ щызэхэтам.

6. ТВКО-м и дин IуэхущIапIэхэм ядэлэжьэнымкIэ и Советым и зIэущIэм.

7. Гуманитарнэ дэIэпыкъуныгъэхэм.

8. НэгъуэщIхэми.

Нэхъыщхьэу зытепсэлъыхьар Новопавловск къалэм ТВКО-м и щоджэнхэмрэ къэзакъхэмрэ я конференцэ щэкIуэгъуэм и 19-м щызэхэтынурщ.

Межъепархиальнэ коллегием и унафэщI щоджэн нэхъыжь Самойленкэ Павел зэхилъхьэжащ зэIущIэм кърикIуахэр икIи абы хэтахэм фIыщIэ яхуищIащ.

 

624
Фотогалерея