2024 гъэм гъатхэпэм и 30-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м хыхьэ Нарткъалэ и Никольскэ соборым.
Щоджэн нэхъыщхьэм къулыкъур драгъэкIуэкIащ Пятигорск епархием Налшык щиIэ округым и благочиннэ щоджэн нэхъыжь Бобылев Валентин, члисэм и унафэщI щоджэн Доронченкэ Сергий, къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуащ къалэдэсхэмрэ щIыналъэ лъапIэм Тхьэ елъэIуну къэкIуахэмрэ.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи тхьэлъэIу къулыкъур иригъэкIуэкIащ, Красногорск къыщыхъуа террактым хэкIуэдахэм папщIэ Тхьэ щелъэIуам, дзэ Iуэху хэхам хэкIуэда мамыр цIыхухэмрэ зауэлIхэмрэ хыхьэу.