2024 гъэм гъатхэпэм и 27-м, Пятигорск, Черкесск щIыналъэхэм я архиепископ Феофилакт, пIалъэкIэ Бакинскэ епархиер зезыгъакIуэм, Азербайджаным пастыр нэхъыщхьэ къулыкъур щызыщIэу щыIэм, пщыхьэщхьэ литургиер Баку къалэм и Хъуромэ соборым щригъэкIуэкIащ. Щоджэн нэхъыщхьэм къулыкъур драгъэкIуэкIащ члисэм и клирикхэм. ТхьэлъэIум хыхьэу архиепископ Феофилакт Бакинскэ епархием и управленэм и канцелярием и тет Климов Михаил хиротесие къулыкъур ищIащ. Литургие нэужьым Красногорск къыщыхъуа терактым щаукIахэм папщIэ тхьэлъэIу ирагъэкIуэкIащ. ТхьэлъэIум хэтащ Азербайджаным Урысейм и лIыкIуэу щыIэхэр.
УзэщIыныгъэм хыхьэу щоджэн нэхъыщхьэм архимандрит Алексий (Никоноров) фIыщIэ хуищIащ илъэситIрэ ныкъуэкIэ Бакинскэ епархием и секретарым и къулыкъур зэригъэзащIэм папщIэ. Щихънагъым къыхигъэщащ Алексий Члисэм хуэщхьэпэ проектхэм зэрыхэтар.
Апхуэдэу архиепископ Феофилакт жиIащ Бакинскэ епархием и управленэм и секретару щоджэн нэхъыжь Свечников Дионисий зэрагъэувар, Баку къалэм и Хъуромэ соборым и унафэщIу щоджэн нэхъыжь Новиков Александр зэрыхахар.