2024 гъэм гъатхэпэм и 13-м, Пятигорск щекIуэкIащ Урысей Федерацэм и Президентым и полномочнэ лIыкIуэу КИФЩI-м щыIэ Чайкэ Юрий щIыналъэм и дин зэгухьэныгъэхэм я лIыкIуэхэм IущIащ.
Урыс Чристэн Члисэм и лIыкIуэхэм, муфтийхэм, иудей зэгухьэныгъэхэм щыщхэм щепсалъэм, лъэпкъ, дин зэгурыIуэныгъэр КИФЩI-м къызэрыщызэрагъэпэщынур къыхагъэщащ. Полпредым жиIащ къапэщылъ псалъэмакъыр, УФ-м и Президентым и хэхыныгъэхэм ирихьэлIэу мыхьэнэ зэриIэр.
«Жэуаплыныгъэ зыпылъ мы махуэхэм ди къалэн нэхъыщхьэр – Кавказ Ищхъэрэм мамырыгъэр щыгъэбыдэнырщ, Урысейм и бийхэм Iуэхур зэIемыгъэгъэхьэнырщ, лъэпкъ, дин картэхэр къагъэсэбэпу», - жиIащ абы.
Кавказ Ищхъэрэ федеральнэ округым лъэпкъи 140-м щIигъу щопсэу, щыр къэралыбзэу.
Чайкэ Юрий дин зэгухьэныгъэхэм я унафэщIхэм фIыщIэ яхуищIащ, дзэ Iуэху хэхар ирагъэжьа нэужь Урысейм дэIэпыкъуэгъу хуэхъуну жызыIахэм.
Полпредым ягу къигъэкIыжащ УФ-м и Президентым Федеральнэ Зэхуэсым хэтхэм зэразыхуигъазэ псалъэхэм щыщ къихьащ: «Ди сэлэтхэмрэ офицерхэмрэ – чристэнхэмрэ муслъымэнхэмрэ, буддистхэмрэ иудейхэмрэ, лъэпкъ, щэнхабзэ зэмылIэужьыгъуэхэм щыщхэм, щIыналъэ щхьэхуэхэм щыпсэухэм псалъэ миным щIигъум нэхъыфIу къагъэлъэгъуащ Урысейм и зэкъуэтыныгъэр къаруушхуэу зэрыщытыр къыхэщу. Урысейм папщIэ ахэр бийм пэщIэтщ».
Чайкэ Юрий зэрыжиIэмкIэ, нобэ дзэ Iуэху хэхам къулыкъу щащIэ «Терек» къэзакъ бригадэм, Кавказ Ищхъэрэм и щIыналъибл зэкъуэзыгъэувам, «Алания» батальоным, «Ахмат», нэгъуэщIхэми. Къэралым и дин зэмылIэужьыгъуэхэм итхэм къулыкъу щащIэ абыхэм. Округым и щIыналъэхэм я щоджэнхэр абыхэм я дэIэпыкъуэгъущ икIи абы щыIащ, къаутIыпщыжа жылагъуэхэм щыпсэухэмрэ зауэлIхэмрэ гуманитарнэ дэIэпыкъуныгъэхэр хуашащ.
Архиепископ Феофилакт зыхигъэгъуэзащ дзэ Iуэху хэхам хэтхэмрэ абыхэм я унагъуэхэмрэ ядэIэпкъуным, щэнхабзэ фэеплъхэр хъумэныр, унагъуэм и лъапIэныгъэхэм щIэпIыкIыныр.
Чайкэ Юрий щоджэнхэм къэрал дамыгъэхэмрэ фIыщIэ тхылъхэмрэ яритащ УФ-м и Президентым и полномочнэ лIыкIуэу КИФЩI-м щыIэм къыбгъэдэкIыу. Пятигорск епархием и Административнэ секретариатым и унафэщI щоджэн Яовенкэ Илия ящыщщ ягъэлъэпIахэм.